Servizos

Alzheimer, Parkinson e outras situacións

Temos experiencia en coidar persoas con Alzheimer e outras demencias, Parkinson, persoas que pasaron un ictus e persoas que pasan moito tempo na cama. Cada situación pide un xeito de coidar distinto, e a casa é o mellor sitio para facelo.

Alzheimer e outras demencias

As persoas con demencia séntense máis seguras cando o día ten unha orde e as caras son coñecidas. Por iso vai sempre a mesma coidadora e coidamos as rutinas.

• Rutinas estables para levantarse, asearse, comer e descansar.
• Estimulación cada día: conversa, recordos, xogos de memoria e lectura.
• Paseos e actividade adaptada ao que a persoa pode facer.
• Recordatorio da medicación pautada e atención a que coma e beba ben.

Parkinson

O Parkinson adoita afectar á marcha, ao equilibrio e, co tempo, á memoria. Axudamos a que a persoa siga movéndose con seguridade e mantendo a súa autonomía o máis posible.

• Apoio para levantarse, camiñar e moverse pola casa.
• Tempo e paciencia para vestirse, asearse e comer ao seu ritmo.
• Compañía, conversa e exercicios sinxelos.

Despois dun ictus

Despois dun ictus a vida diaria pode cambiar de golpe. Acompañamos á persoa e á familia nas tarefas de cada día e nas citas, e axudamos a manter na casa o que se traballa cos profesionais que a atenden.

Persoas que pasan moito tempo na cama

Cando unha persoa pasa moitas horas na cama ou sentada, os cambios de postura, o aseo e o coidado da pel son fundamentais para que estea cómoda.

• Cambios de postura con técnicas seguras para a persoa e para quen coida.
• Aseo na cama e pel limpa, seca e hidratada.
• Atención a que coma e beba ben.
• Avisamos á familia se vemos calquera cambio na pel ou no estado da persoa.

Tamén coidamos de quen coida

Coidar dunha persoa con demencia ou moi dependente desgasta. Contar con axuda uns días á semana permite á familia descansar e seguir coidando mellor.

Temos formación en mobilizacións, primeiros auxilios e demencias, entre moitos outros cursos.

Queres ideas para o día a día? Le os nosos consellos para coidar na casa →